14:01 01-09-10
Qəzza sektorunda hakimiyyətdə olan "Həmas"ın silahlı qanadı-"İzəddin əl Qəssam briqadası" İordan çayının qərb sahilində israillilərin güllələnməsinə görə məsuliyyəti öz üzərinə götürüb. Qəzzada yayılan bəyanatda deyilir ki, "Həmas" öz tərəfdarlarını axşam namazından sonra küçələrə çıxmağa və Hevrondakı uğurlu əməliyyatı (israillilərin güllələnməsini) bayram etməyə çağırıb. "Həmas" nümayəndəsi Fauzi Bərhum deyib: "İsrail və Fələstin administrasiyası arasında təhlükəsizliklə bağlı əməkdaşlığa baxmayaraq, müqavimət yaşayır".

   

   Qeyd edək ki, fələstinli silahlılar İordan çayının qərb sahilində israillilərin maşınını atəşə tutublar. Nəticədə dörd israilli həlak olub. Son ayların ən qanlı hücumu birbaşa Fələstin-İsrail sülh danışıqlarının bərpası ərəfəsində baş verib. İsrail nömrəli maşın yəhudilərin məskunlaşdırı Kiryan-Arba yaşayış məntəqəsi yaxınlığında atəşə tutulub. Bu yaşayış məntəqəsi fələstinlilərin yaşadığı Hevron şəhərinə bitişikdir. İlkin məlumatlara görə, həlak olanların hamısı bir ailənin üzvləridir.

   

   EKSPRESS.AZ