11:25 07-09-10
Amerikanın Beynəlxalq Kosmik Araşdırmalar Agentliyi (NASA) günəşlə bağlı bir çox suala cavab tapmaq üçün bu göy cisminin atmosferinə raket yollayacaq. Raket günəş atmosferinə 6 milyon km yaxınlaşacaq və daha əvvəl heç bir kosmik vasitənin gedə bilmədiyi bir ərazini kəşf edəcək.

   

   NASA dünya tarixində ilk olan "Solar Probe Plus" adlı layihəyə 2018-ci ildə start verəcək. Qurumun məqsədi bu layihə ilə günəşə aid bir çox suala cavab tapmaqdır.

   

   NASA rəsmisi Dik Fişer bu araşdırma sayəsində əsasən iki suala cavab tapmaq istədiklərini deyib: "Əvvəla nəyə görə günəşin xarici atmosferi günəşin səthindən daha istidir? İkinci isə dünya və günəş sisteminə təsir edən axınları yaradan nədir?"

   

   Fişer illərdir cavab axtardıqları bu suallara bu layihə sayəsində aydınlıq gətirəcəklərini deyib.

   

   Xatırladaq ki, NASA 2009-cu ildə araşdırmaçıların elmi məsləhətlərini dinləmək üçün onları dəvət etmişdi.

   

   Qeyd edək ki, NASA bu layihənin ilkin təcrübələri üçün 180 milyon dollar ayırıb.

   

   EKSPRESS.AZ