"Caspian Ship Construction and Repair" (CSCR) şirkəti "Cənubtikintiservis" ASC-nin səhmlərinin 30,72%-i alıb. "Turan"ın xəbərinə görə, Panama kapitallı şirkət SOCAR-CSCR Birgə Müəssisəsində (BM) pay sahibidir. BM-in həmtəsisçisi ARDNŞ-dir.

   "Cənubtikintiservis" ASC 2003-cü ildə ARDNŞ-nin "Xəzərdənizneftlayihətikinti" trestinin bazasında yaradılıb. "Tekfen İnternational Finance & İnvestmenta S A" (Türkiyənin Tekfen holdinqinin törəməsi) şirkəti bu SC-nin səhmlərinin 66,03%-ə malikdir.

   "Caspian Ship Construction and Repair" MMC Azərbaycanda 2009-cu ilin dekabrında qeydiyyata alınıb. Onun təsisçisi "Trans Marine United Corp" şirkətidir. Bu ilin martında şirkət ARDNŞ-nin iştirakı ilə gəmiqayırma şirkətinin həmtəsisçisi olub. ARDNŞ "Tekfen"lə tərəfdaşdır, onunla "AzFen" birgə müəssisəsi var.

   Beləliklə, "Cənubtikintiservis" ASC ARDNŞ tərəfdaşları ilə yeni biznes əlaqələri sahəsi olacaq.

   "Cənubtikintiservis" ASC-nin nizamnamə kapitalı 1,32 milyon manat, səhmlərinin nominalı 2 manatdır. Onun səhmlərinin bazar qiyməti 12 manatdan bahadır.