İtkin düşən Zaqatala şəhər sakininin meyiti ağacdan asılı vəziyyətdə tapılıb. Bu barədə APA-nın Şəki-Zaqatala bürosuna Zaqatala RPŞ-dən məlumat verilib.

   Məlumata görə, Zaqatala şəhər sakini, 1953-cü il təvəllüdlü İsayev Əli Mustafa oğlu iyulun 23-də evdən çıxaraq geri dönməyib. Onun barəsində iyulun 24-də Zaqatala RPŞ tərəfindən axtarış elan edilib. Keçirilmiş əməliyyat-axtarış tədbirləri nəticəsində Əli İsayevin meyiti rayonun Car kəndinin yuxarı hissəsində -Silban çayının kənarında meşə zolağından ağacdan asılı vəziyyətdə tapılıb.

   İlkin yoxlamalar zamanı məlum olub ki, Ə.İsayev intihar edib.

   Faktla bağlı Zaqatala Rayon Prokurorluğunda cinayət işi başlayıb, intiharın səbəbi araşdırılır.