Şirvanda başından daşla vurulan yeniyetmə dünyasını dəyişib.

   Bu barədə APA-nın Mil-Muğan bürosuna Şirvan ŞPİ-dən məlumat verilib.

   Məlumatda bildirilir ki, Şirvan şəhər sakini, əslən Zəngilan qaçqını olan 1994-cü il təvəllüdlü Güləliyev Raqif Muğan oğlu qonşuları ilə münaqişə zamanı qonşusu tərəfindən atılan daşa tuş gəlib. Başından yüngül yaralanan Raqif Güləliyev bir həftə əvvəl Şirvan şəhərinin travmatologiya şöbəsinə yerləşdirilib. Amma həkimlərin də gözləmədiyi halda dünyasını dəyişib. Şirvan şəhər məhkəmə-tibbi ekspertizasının patoloq-anatomunun bildirdiyinə görə, meyiti müayinə zamanı mərhuma qapalı kəllə-beyin travması diaqnozu qoyulsa da, onda daşın zərbəsindən yaranmış gözlə görünən fəsadlar müəyyən edilməyib. Şirvan Diaqnostika Mərkəzində mərhumun sağ ikən başında aparılan tomoqrafiyanın rəyində də bildirilib ki, onda kəllədaxili zədə yoxdur.

   Faktla bağlı Şirvan Şəhər Prokurorluğunda araşdırma aparılır.