"Xəzər-Lənkəran" daha bir transfer reallaşdırıb. Cənub klubu dünən rumıniyalı futbolçu Stanku Stelianla ikiillik müqavilə imzalayıb. 28 yaşlı Stelian sağ cinah müdafiəçisi olsa da, yarımmüdafiənin sağ cinahında da oynaya bilir. Peşəkar futbolçu karyerasına 18 yaşında başlayan Stelian vətənində "Astra Ploeşti" (Ploeşti), "Sportu Studentesc" (Buxarest), "Styaua" (Buxarest), "Poli Timişoara" (Timişoara) və "Braşov" (Braşov) klublarında oynayıb.

   "Styaua" və "Poli Timişoara" ilə çempionatın gümüş medalını, ikinci klubla ölkə kubokunu da qazanıb. Doğma dili ilə yanaşı, ingilis dilində danışan Stelian evlidi, bir qızı var.

   Qeyd edək ki, Stanku yaxınlarda "Xəzər-Lənkəran"ın baş məşqçisi təyin edilən həmyerlisi Mirça Rednikin ilk rumıniyalı transferidi. Amma o, sonuncu olmayacaq. Belə ki, tezliklə "Arceş"in oyunçusu Katalin Doman da ölkəmizdə peyda olacaq. 22 yaşlı yarımmüdafiəçinin cənublulara 200 min dollara başa gələcəyi deyilir.