Mark Hyuz İngiltərənin "Fulhem" klubunun yeni baş məşqçisi təyin edilib. Uelsli mütəxəssis qarşıdakı 24 saatda London təmsilçisinin yeni çalışdırıcısı kimi təqdim olunacaq. Hyuz klubun sahibi olan ərəb şeyxi Məhəmməd Əl Fayedin baş məşqçi postunda "Liverpul"un sükanı arxasına keçən Roy Hocsonu əvəzləmək təklifini qəbul edib. Ötən ilin dekabrında "Mançester Siti"dən qovulan Hyuza yeni klubunda ildə 2 milyon avro məvacib təklif olunub. Həmin məbləğ "Ayaks"ın baş məşqçisi Martin Yola da təklif edilsə də, o, Hollandiyada işini davam etdirməyi üstün tutub.