Marsel "Olimpik"i "Bordo"nun yarımmüdafiəçisi Alu Diarranı heyətinə qatmaq istəyir. Lakin "jirondistlər" futbolçunu ən azı 7,75 milyon avroya satacaqlarını deyiblər. 29 yaşlı havbekin klubla imzaladığı müqavilədə məhz bu məbləğ yazılıb. "Bilirsinizmi, "Bordo"nun prezidenti Jan-Lui Trionun yerinə olsaydım, eynən belə davranardım. Diarraya yiyələnmək ümidimizi itirmirik. Hər şey yaxın bir həftə ərzində həllini tapacaq. Qarşı tərəfdən cavab gözləyirik", - "Olimpik"in prezidenti Jan-Klod Dassye bildirib.