2012-ci il iyulun 27-dən avqustun 12-dək Londonda keçiriləcək 30-cu Yay Olimpiya Oyunlarının Koordinasiya Komissiyasının sədri Denis Osvald turnirə hazırlıqdan danışıb. Onun sözlərinə görə, Olimpiadanın startına hələ iki il qalmasına baxmayaraq, artıq lazımi işlərin 65%-i həyata keçirilib: "London Olimpiadasının Təşkilat Komitəsi işini çox əla aparır. Bu onların gördükləri işdə öz əksini tapıb. TK-nin yaxın günlərdə keçirilən və mənim də iştirak etdiyim növbəti iclasında hər şeyin şahidi oldum. Hələlik yeganə problem nəqliyyatda tıxacların yaranmasıdı. Təbii ki, bu da maşınların çoxluğundan yaranır. Qalan hər şey yüksək səviyyədədi. Oyunların mərkəzi hesab edilən Londonda ilk Olimpiya obyekti 2008-ci ildə tikilən İdman Akademiyası oldu. Bu obyekt 15 milyon funta başa gəldi. Ümumiyyətlə Olimpiada-2012 üçün bütünlüklə London 9,3 milyard funt xərcləməli olacaq".