Böyük Britaniyanın BP şirkəti Venesuelada olan paylarının bir hissəsini TNK-BP-yə (Rusiya-Britaniya birgə şirkəti) satmaq niyyətindədir. Bu barədə PDVSA Venesuela Neft Şirkətinin vitse-prezidenti Evlogio del Pino məlumat verib.

   Əsasən Petromanaqasdakı yataqların 16,66 faizinin satılması planlaşdırılır. Pinonun sözlərinə görə, səhmlərin qiyməti barədə məlumat verilmir. Bu yataqlarda neft hasilatının ümumi həcmi gün ərzində 130 min barel təşkil edir.

   "Bloomberg" bildirir ki, BP-nin Venesueladakı səhmlərinin dəyəri təxminən $1 milyard təşkil edir. Ötən həftə BP şirkəti ABŞ, Kanada və Misirdəki yataq və zavodlarını $7 milyarda satıb.