15:21 23-07-10
Türkiyədə terrorçuların növbəti hücumu nəticəsində 2 polis müxtəlif dərəcəli xəsarət alıb. Mardin vilayətinin Ömerli rayonunda yerli vaxtla saat 22.00-də (Bakı vaxtıyla 00.00) PKK terrorçuları reyd keçirən polis avtomobilinə hücum edib. Hazırda bölgədə terrorçuların yaxalanması istiqamətində əməliyyatlar davam edir.

   

   Bundan başqa, Hakkari vilayətində reyd keçirən polis avtomobili isə PKK terrorçularının yerə döşədiyi minaya düşüb. Baş vermiş partlayışda ölən və yaralanan olmayıb. Hadisədən sonra bölgədə keçirilən əməliyyatlar nəticəsində daha bir partlayıcı qurğu aşkarlanaraq zərərsizləşdirilib.

   

   Terrorçular daha sonra Siirt vilayətində olan 3-cü desant briqadası komandirliyinə bağlı şərq kazarmasına qumbaraatanlarla hücum edib. Bu hücum nəticəsində kazarmanın divarında dağıntılar meydana gəlsə də ölən və yaralanan olmayıb.

   

   EKSPRESS.AZ