14:11 27-07-10
Bu gün Naxçıvandan Rusiya paytaxtına birbaşa aviareys açılır. Naxçıvan beynəlxalq hava limanı və Rusiyanın "Soyuz-Atlant" aviaşirkəti arasında əldə olunmuş razılığa əsasən uçuşlar hər həftənin çərşənbə axşamı Boeing 737-800 təyyarələri ilə həyata keçiriləcək. Təyyarə Moskvanın "Vnukovo" hava limanından 12.00-da havaya qalxacaq, yerli vaxtla 15.45-də isə Naxçıvana enəcək. Elə həmin gün də 16.45-də Naxçıvandan Moskvaya qayıdacaq.

   

   Hazırda Naxçıvan və Moskva şəhərlərinin hava limanlarında bilet satışı başa çatmaq üzrədir. Qeyd edək ki, birtərəfli uçuş üçün biletin qiyməti indilik 125 avro olaraq nəzərdə tutulub.

   

   EKSPRESS.AZ