14:32 27-07-10
Türkiyə Hatay vilayətində 3 polisin PKK terrorçuları tərəfindən hücuma məruz qalaraq şəhid edilməsindən sonra hadisəyə etiraz edən yerli əhali gecə BDP (PKK terror təşkilatının siyasi cinahı olan Barış və Demokratiya Partiyası) rayon təşkilatına hücum edib. Polislərin öldürülməsinə etiraz edən əhali təşkilat binasını yandırıb. Alovun qarşısını almaq üçün yanğınsöndürmə dəstələri yanğına müdaxilə edib.

   

   Polis etirazçıları dağıtmağa çalışaraq bu məqsədlə havaya atəş açsa da buna müvəffəq ola bilməyib. Etirazçılar isə Türkiyə bayrağı açaraq və "Ya Allah, Bismillah, Allahu Əkbər!" şüarını səsləndirərək aksiyaya davam edib.

   

   Hadisələrin böyüyərək nəzarətdən çıxmasından qorxan polislər təhlükəsizlik tədbirlərini çoxaldıb.

   

   EKSPRESS.AZ