12:05 08-09-10
Save the Children təşkilatı bildirib ki, son 10 il ərzində dünya üzrə 4 milyon uşaq dövlətlərin ən yoxsul təbəqəyə yardım etməməsi səbəbindən ölüb.

   

   Başqa bir hesabatda isə UNİCEF zəngin və yoxsul ailələrdən olan uşaqlar arasında fərqi qabarıq şəkildə nümayiş etdirib.

   

   Bu iki kəskin tənqidi hesabat Nyu Yorkda keçiriləcək Minillik İnkişaf

   Məramları zirvə görüşündən iki həftə əvvəl dərc olunub.

   

   Həmin məramlardan olan uşaq ölümünün azaldılması üzrə ən az tərəqqi əldə olunub.

   

   Hər iki hesabat vurğulayır ki, ölkəyə daha zəngin olmaqda yardım etməklə heç də həmişə daha çox uşağın həyatını xilas etmək mümkün olmur.

   

   Save the Children hesab edir ki, bir çox inkişaf etməkdə olan ölkə daha yaxşı həyat şəraitinə malik icmalarda uşaqların ölüm hallarını azaldan metodlardan istifadə edərək, öz göstəricilərini yaxşılaşdırır, lakn ən pis şəraitdə yaşayan uşaqlara kömək üçün az iş görür.

   

   Təşkilat bunu təhlükəli meyl adlandırır.

   

   UNİCEF isə deyir ki, inkişaf etməkdə olan dünyanın ən kasıb ailələrinin 20 faizində uşaqların erkən ölməsi ehtimalı ən varlı 20 faiz ailənin uşaqları ilə bağlı ehtimaldan 2 dəfə çoxdur.

   

   Agentliklər deyirlər ki, ən kasıb təbəqədən olan uşaqlara daha çox diqqət

   göstərməklə uşaq ölüm hallarının sayını dramatik surətdə azaltmaq olar.

   

   EKSPRESS.AZ