"Dağlıq Qarabağ münaqişəsi ilə bağlı biz Ermənistanla Azərbaycan arasında müharibənin yenidən başlanmasını istəməzdik. Biz bu məsələdə ATƏT-in Minsk qrupunun bu münaqişənin sülh yolu ilə həlli istiqamətindəki fəaliyyətini dəstəkləyirik və hesab edirəm ki, Azərbaycan da öz növbəsində bu formatda gedən sülh prosesini dəstəkləyir". APA-nın xəbərinə görə, Böyük Britaniyanın baş naziri Devid Kemeron bu barədə dünən AŞPA-dakı çıxışından sonra Ermənistan nümayəndə heyətinin üzvü Naira Zöhrabyanın Böyük Britaniyanın Azərbaycana güclü sərmayə qoyması və Azərbaycanın da yenidən müharibəyə başlaması istəkləri ilə bağlı sualına cavab verkən deyib.